Путин Ёқутистонда сунъий ёмғир ёғдириш бўйича топшириқ берди
Ушбу фармойиш ўрмон ёнғинларининг олдини олишга қаратилган.
Владимир Путин Россия Федерацияси ҳукумати ва Ёқутистон республикаси раҳбарига ўрмон ёнғинларини олдини олиш учун ёғинларни сунъий равишда чақириш бўйича чора тадбирларни амалга ошириш ва буни шу мавсум амалда қўллаш бўйича кўрсатма берди. Бажарилган ишлар бўйича ҳисобот жорий йилнинг 15 декабрида топширилиши белгилаб қўйилди.
Эслатиб ўтамиз, 2021 йилда Сибир ўрмонларидаги ёнғинлар Россия тарихида мисли кўрилмаган зарарларни олиб келган. Аҳоли ва ёнғинни бартараф этиш тузилмалари ўрмондан узоқда жойлашгани учун ёнғинларни ўчириш имкони бўлмаган. Ушбу йил апрель ойидаги аномал иссиқ кунлар Россия шарқида ҳар доимгидан олдинроқ ўрмон ёнғинларини аланга олишига олиб келган.
Россия ҳукумати томонидан ўрмонларда ёнғинни ўчириш учун самолётлар ёрдамида ҳавони совутиш усули орқали ёмғир ёғдириши технологиясини қўллаш режалаштирилмоқда. Аммо бу усулни қўллашга қаршилар ҳам бор.
Мутахассислар фикрича, самолётлар ёрдамида ҳавони сунъий совутиш орқали ёмғир ёғдириш, қўшниларда қурғоқчиликни кучайтиради. Москвада ўтказилган парад тадбирларида шунга ўхшаш ҳодиса қайд этилган.
