Қамашида Damas дарага ағдарилиб кетди
Оқибатда ҳалок бўлган ва жароҳатланганлар бор.
Қашқадарё вилоятининг Қамаши туманида Damas автомашинаси ағдарилиб кетиши оқибатида 3 киши ҳалок бўлди. Бу ҳақда Фавқулодда вазиятлар вазирлиги хабар берди.
Ҳодиса Қамаши тумани «Каттаўра» МФЙ «Кон» қишлоғи ҳудуди «Майданак» ва «Қизилтепа» йўналишининг 38-километрида юз берган. Мазкур йўналишда ҳаракатланиб кетаётган Damas ҳайдовчиси бошқарувни йўқотиб, дарага ағдарилиб кетган.
Оқибатда автомашинада бўлган 3 нафар фуқаро воқеа жойида вафот этган, 3 нафар фуқаро турли даражадаги тан жароҳатлар билан Қамаши тумани шифохонасига юборилган.
Воқеа жойига вилоят ФВБ раҳбарияти бошчилигида қутқарувчилар, туман ҳокими ва тегишли ташкилот вакиллари етиб бориб, қутқарув ишларни амалга оширган. Ҳолат юзасидан суриштирув ҳаракатлари олиб борилмоқда.
