Қаршидаги кафеда ёнғин чиқди
Уни ўчириш учун ФВБдан 2 та бўлинма юборилган.
Ижтимоий тармоқларда Қашқадарё вилоятининг Қарши шаҳрида кафе ёниб кетгани айтилган видеолар тарқалди. Ҳолат юзасидан вилоят Фавқулодда вазиятлар бошқармаси маълумот берди.
Бугун, 27 май куни соат 21:16 ларда Қарши шаҳар ФВБ га Қарши шаҳри I.Karimov кўчасида жойлашган «ЭЛБРО» кафеси ёнаётганлиги тўғрисида хабар келиб тушган.
Хабарга кўра, Қарши шаҳар ФВБ дан 2 та ёнғин-қутқарув бўлинмаси воқеа жойига жалб қилиниб, соат 21:21 ларда ҳодиса жойига етиб борган ва ёнғинни тўлиқ соат тахминан 21.56 ларда бартараф этган.
Ёнғиндан фуқаро И.Э га қарашли кафенинг 80 метр квадрат майдонда ички қисми ва ошхона жиҳозлари зарарланган. Ҳозирда ёнғин сабаблари ва зарари аниқланмоқда.
