Qashqadaryo viloyatining Kitob tumanida 29 may kuni qotillik yuz berdi. Holat yuzasidan Bosh prokuratura maʼlumot berdi.
Shu kuni soat 10:00 da 20 yoshli erkak Kitob shahridagi “Sport majmuasi” oldida o‘zaro tortishuv oqibatida 25 yoshli erkakni pichoq bilan qasddan o‘ldirgan.
Darakchi.uz nashrining yozishicha, janjal qiz sabab yuzaga kelgan, yaʼni pichoqlangan yigit qizga gap otib yurgan. Bundan xabar topgan qizning qarindoshi u yigitni bir necha bor uchrashuvga chaqirib, gaplashib, kelishib olishga uringan. Ammo shunday uchrashuvlarning navbatdagisida qarindosh bo‘lgan 20 yoshli yigit 25 yoshli yigitni qizning ko‘z o‘ngida pichoqlab tashlaydi. Bo‘lgan voqeadan so‘ng ikki qarindosh tez yordam chaqirib, pichoqdan zarba yegan yigitga yordam berishga harakat qilishadi. Ammo 25 yigit olgan jarohatlari tufayli vafot etadi.
Hozirda mazkur holat yuzasidan Jinoyat kodeksining 97-moddasi (Qasddan odam o‘ldirish) bilan jinoyat ishi qo‘zg‘atildi.
Jinoyat ishi doirasida gumon qilinuvchi shaxs protsessual tartibda ushlangan. Tergov harakatlari olib borilmoqda.