Qashqadaryo viloyatining Ko‘kdala tumani, Sho‘rquduq mahallasi hududida noqonuniy daraxt kesish holati aniqlandi. Viloyat Ekologiya boshqarmasi va huquqni muhofaza qiluvchi organlar tomonidan o‘tkazilgan tekshiruv natijasida fuqaro N. Oqmirzayev tomonidan 103 tup "ko‘ktol" daraxti butunlay kesib tashlangani ma’lum bo‘ldi.
Bosh prokuratura holat bo‘yicha Jinoyat kodeksining 198-moddasi 2-qismi (ekinzorlarni, daraxtlarni yoki boshqa o‘simliklarni shikastlantirish yoxud nobud qilish) asosida jinoyat ishi qo‘zg‘atgan. Ish materiallari tuman IIBga tergov uchun yuborilgan.