Shahrisabz shahri va Shahrisabz tumanida o‘tkazilgan tezkor tadbirlarda fuqarolar T.T. va N.U. ushbu hududlarda joylashgan noturar binolarda tashkil etgan yashirin sexlarda yog‘ ishlab chiqarish bilan shug‘ullanib kelayotganliklari aniqlangan. Tadbir jarayonida jami 985 litr isteʼmolga yaroqsiz yog‘, 3,4 tonna chigit, 4 dona juvoz uskunasi va boshqa ishlab chiqarishda foydalanilgan tovar moddiy boyliklari ashyoviy dalil sifatida olingan.
Mazkur holatlar yuzasidan Jinoyat kodeksining 186-2-moddasi (chigitdan olinadigan mahsulotni qonunga xilof ravishda ishlab chiqarish yoki muomalaga kiritish) bilan jinoyat ishlari qo‘zg‘atilib, tergov harakatlari o‘tkazilmoqda.