Qozog‘istonda ayollarning bolalarni tarbiyalashini taʼminlash maqsadida ularning ish kunini qisqartirish taklif qilindi. Bu bo‘yicha parlamentda deputat Karakat Abden taklif bilan chiqqan.
Parlament majlisida eng ko‘p muhokama qilingan takliflardan biri Skandinaviya mamlakatlari amaliyotiga o‘xshash tarzda ayollar uchun qisqartirilgan ish kunini joriy etish bo‘lgan.
“Bu ayollarga oilaga va bolalarni tarbiyalashga ko‘proq vaqt ajratish imkonini beradi”, deyiladi xabarda.
Shuningdek, Abden 24 soat faoliyat ko‘rsatuvchi bolalar bog‘chalari va ish joylarida bolalar xonalarini tashkil etish, shuningdek, tug‘ruq taʼtilini ikki yilgacha uzaytirishni taklif etgan.