Qozog‘istonda deputatlar guruhi poytaxtning Nur-Sulton nomini avvalgi Ostona nomiga qaytarishni taklif qildi. Bu haqda “Sputnik” nashri xabar berdi.
Gʻoya tashabbuskorlari inson hayotligida shaharga uning ismini berish noto‘g‘ri deb hisoblamoqda.
“Xalq o‘zi ham poytaxtning yangi nomini qabul qilmadi. Shu bois, bir vaqtlar birinchi prezident taklif qilgan avvalgi nomni qaytarish tarixan adolatli bo‘lardi”, - deyilgan deputatlar guruhi bayonotida.
Eslatib o‘tamiz, 2019-yili mamlakat poytaxti nomi Nur-Sultonga o‘zgartirilgandi. Ungacha poytaxt Ostona deb yuritilgan.