Avvalroq Ozarbayjonning Boku shahridan Grozniyga uchayotgan samolyot Qozog‘istonning Aktau shahrida qulab tushgani xabar qilingandi.
Qozog‘iston transport vazirligiga ko‘ra, bortda 37 nafar Ozarbayjon, 6 nafar Qozog‘iston, 3 nafar Qirg‘iziston, 16 nafar Rossiya Federatsiyasi fuqarolari bo‘lgan.
Qulagan samolyot bortida kislorod balloni portlab ketgan va odamlar hushini yo‘qota boshlagan, dedi guvohlar. Ular bundan avvalroq qush dvigatelga kirganini aytgan.
Qozog‘iston FVV aviahalokat oqibatida omon qolganlar soni 28 kishiga yetganini maʼlum qildi. 22 kishi shifoxonaga yotqizilgan.