Raqobatni rivojlantirish va isteʼmolchilar huquqlarini himoya qilish qo‘mitasi 11 ta tovar bozorida ustun mavqega ega bo‘lmagan, lekin bitim shartlari, tovarlar sotiladigan hudud yoki narxga bir tomonlama taʼsir ko‘rsatish imkoniyati mavjud bo‘lgan 66 ta korxonani aniqladi.
Ular ustun muzokara kuchi deb eʼtirof etildi. Shu jumladan, Toshkent shahrida faoliyat olib boruvchi avtoturargoh operatorlarining ustun muzokara kuchini eʼtirof etish yuzasidan tegishli o‘rganishlar olib borilyapti.
Maʼlumot uchun: “Raqobat to‘g‘risida”gi Qonunning 14-moddasiga ko‘ra, ustun mavqega ega bo‘lmagan xo‘jalik yurituvchi subyekt yoki shaxslar guruhi tomonidan bitim shartlari, tovarlar sotiladigan hudud yoki narxga bir tomonlama taʼsir ko‘rsatish imkoniyati mavjud bo‘lsa, bunday holat ustun muzokara kuchi deb eʼtirof etiladi.