Rossiyaning Bryansk viloyatida kuchli portlash sodir bo‘ldi. Dastlabki ma’lumotlarga ko‘ra, voqea mahalliy aeroport yaqinida yuz bergan. Portlash ortidan yong‘in chiqqani haqida xabarlar tarqalgan.
Mahalliy OAVlarning yozishicha, bu voqea Ukraina Qurolli Kuchlariga tegishli uchuvchisiz parvoz qurilmasi yoki raketa hujumi oqibati bo‘lishi mumkin. Ayni damda bu taxmin rasman tasdiqlanmagan.
Voqea tafsilotlari, shuningdek, jabrlanganlar yoki talafotlar bo‘yicha hozircha rasmiy ma’lumot berilmagan. Rasmiylar hodisani o‘rganmoqda, aeroport atrofidagi xavfsizlik choralari kuchaytirilgan.