Rossiya Armaniston va Ozarbayjon bilan uch tomonlama sammit o‘tkazmoqchi. Bu haqda RF prezidenti yordamchisi Yuriy Ushakov ma’lum qildi.
“Biz uch tomonlama formatda — Rossiya, Ozarbayjon va Armaniston yetakchilari ishtirokidagi navbatdagi sammitni taklif qilamiz. Umid qilamizki, qisqa vaqt ichida uning o‘tkazilish muddatini kelishib olamiz”, — degan u.
Prezident yordamchisi, shuningdek, AQSH va Yevropa Ittifoqini arman-ozarbayjon munosabatlari normallashuvi jarayoniga suqulishda hamda Rossiya takliflaridan foydalanishda ayblagan.
Avvalroq Boku va Yerevan yil oxiriga qadar tinchlik shartnomasi imzolashi mumkinligi to‘g‘risida xabar berilgandi.