Ukraina Pridnestrovyega qarshi provokatsiya tayyorlamoqda, deb xabar berdi Rossiya Mudofaa vazirligi.
Vazirlik maʼlumotlariga ko‘ra, Ukraina harbiylari Rossiya Qurolli kuchlari formasini kiyib, qo‘shni davlat hududiga “bosqichma-bosqich bostirib kirish”ni rejalashtirmoqda. Moskva chegarada sodir bo‘layotgan voqealarni kuzatayotganini va “ har qanday o‘zgarishlarga javob berishga” tayyorligini bildirdi.
“Bosqin uchun bahona sifatida Pridnestrovye hududida rus qo‘shinlarining go‘yoki hujumini uyushtirish rejalashtirilgan. Buning uchun bosqichma-bosqich bosqinda ishtirok etayotgan ukrainalik diversantlar RF qurolli kuchlari harbiy xizmatchilari kiyimida bo‘ladi”, — deyiladi Rossiya Mudofaa vazirligining Telegram kanalida.
Moldovaning yangi bosh vaziri Dorin Risyan shu hafta boshida Pridnestroyevni demilitarizatsiya qilish, jumladan, u yerdan rus qo‘shinlarini olib chiqish kerakligini aytdi. Kreml Moldova hukumatiga bu mavzuda ehtiyotkor bo‘lishni maslahat berdi.
Kiyev va rasmiy Kishinyov bu kabi xabarlar feyk ekanini taʼkidlab kelmoqda.