Rossiyada nomaʼlum uchar jismlar o‘rganilmoqda. Bu haqda “Roskosmos” rahbari Dmitriy Rogozin maʼlumot berdi.
Uning so‘zlariga ko‘ra, NUJlarning 99.9 foizi atmosfera yoki boshqa tabiiy hodisalar natijasida paydo bo‘ladi. Rogozin 70 yillarda noodatiy ko‘rinishdagi jismlarni ko‘rgan uchuvchilarning ko‘rsatmasi bilan tanishganini ham qayd etdi.
Bundan oldin NASA NUJlarni o‘rganishni boshlagani to‘g‘risida maʼlumot bergandi. Shuningdek, Kongressda Pentagon ishtirokida shu masalada yig‘ilish o‘tkazilgandi.