«Россиядан ядро каллаклари йил охиригача тўлиқ олиб келинади» — Лукашенко
Беларус президенти, шунингдек, ядро қуролларини жойлаштириш учун майдон тайёр эканини айтди.
Беларус президенти Александр Лукашенко журналистлар билан бўлиб ўтган матбуот анжуманида Россиядан олиб келинадиган ядро каллаклари тўғрисида гапирди.
«Ядро қуролларини жойлаштириш учун майдон, бир ой олдин тўлиқ тайёр бўлган. Каллакларнинг кўп қисми Белорусга олиб ўтилган ва ҳозирда омборларда сақланмоқда. Йил охиригача, аниқ, бундан анча олдинроқ, каллакларни тўлиқ олиб келамиз», — деди Лукашенко.
Эслатиб ўтамиз, аввалроқ Россия президенти Владимир Путин Москва ва Минск халқаро мажбуриятларни бузмаган ҳолда, Беларусда тактик ядро қуролини жойлаштиришга келишиб олганини айтганди.
