Iqtisodiy jinoyatlarga qarshi kurashish departamenti xabariga ko‘ra, Oqdaryo tumanida ikki kishini Angliyaga ishga yuborish uchun 4,5 ming AQSH dollari olgan shaxs 700 dollar va 1,2 mln so‘mni qaytarayotganda ushlangan.
Tergov davomida fuqaro yana 47 kishidan chetga ishga yuborish evaziga 31 160 AQSH dollari olgani aniqlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishlari qo‘zg‘atilib, tergov harakatlari o‘tkazilmoqda.