Samarqand viloyati IIB axborot xizmati xabar berishicha, Nexia-3 va Spark o‘rtasida sodir bo‘lgan yo‘l-transport hodisasi oqibatida uch kishi halok bo‘ldi.
Qayd etilishicha, YTH 4 yanvar kuni soat 20:00 larda 4R-43 Marjonbuloq — Zarmitan — Qo‘shrabot avtomobil yo‘lining Qo‘shrabot tumanidan o‘tgan 99-kilometrida sodir bo‘lgan. Nexia-3 haydovchisi mashinani katta tezlikda boshqarib, yo‘lning qiya burilish joyida qarama-qarshi yo‘nalishga chiqib ketgan va ro‘paradan kelayotgan Spark bilan to‘qnashgan.
Hodisa oqibatida Spark haydovchisi va yo‘lovchisi hamda Nexia-3 haydovchisi og‘ir tan jarohatlari olib voqea joyida vafot etgan.
