Saudiya Arabistoni va Isroil Vashington vositachiligida iqtisodiyot va xavfsizlik yo‘nalishlarida aloqa o‘rnatishga harakat qilmoqda. Bu haqda The Wall Street Journal xabar berdi.
Ar-Riyod Isroil bilan rasmiy munosabatlarga ega emas. Shunday bo‘lsa-da, ikki davlat ishchi aloqalar va xavfsizlik sohasida kelishuvga erishmoqchi.
Xususan, ular AQSH yordamida o‘zaro havo hududlaridan samolyotlar uchishiga, shuningdek, Ar-Riyodning Tiran va Sarafin hududlari ustidan to‘liq nazoratini o‘rnatish masalasini hal qilish niyatida. Bu ikki kimsasiz orol Misr va Saudiya o‘rtasidagi Tiran ko‘rfazida joylashgan. Tiran Iordaniyaning Akaba va Isroilning Eylat portlarining Qizil dengizga chiqish yo‘lida joylashgan.
WSJ xabariga ko‘ra, Isroil biznesmenlari hozirning o‘zidayoq Saudiya Arabistoniga kelishi mumkin. Bu orqali Ar-Riyod ikki tomonlama iqtisodiy aloqalarni kuchaytirmoqchi.
Bundan oldin Saudiya mudofaa vaziri o‘rinbosari Xolid bin Salmon Vashingtonga tashrifi davomida mamlakat yoshlarining katta qismi Isroil bilan diplomatik munosabatlar o‘rnatish tarafdori ekanini aytgan.
Avvalroq Jozef Baydenning Saudiya Arabistoniga borishi maʼlum qilingandi.