Bugun, 20 fevral kuni O‘zbekiston Respublikasi Prezidenti Shavkat Mirziyoyev rasmiy tashrif bilan Qohira shahriga keldi.
Davlat rahbarini Misr Prezidenti Abdulfattoh as-Sisi kutib oldi.
Oliy martabali mehmon tashrifi munosabati bilan Misr poytaxtining xalqaro aeroportida ikki mamlakat bayroqlari ko‘tarildi, faxriy qorovul saf tortdi.
Bugun davlat rahbari ushbu mamlakat yetakchi kompaniyalari va moliyaviy tuzilmalari rahbarlari bilan uchrashuv o‘tkazadi.
Tashrifning asosiy tadbirlari va oliy darajadagi muzokaralar ertaga, 21 fevral kuni bo‘lib o‘tadi.