Yevropa Ittifoqi 12 oktyabrdan boshlab Entry/Exit System (EES) — yaʼni “Kirish/chiqish tizimi”ni joriy etadi.
Unga ko‘ra, endi YEIga aʼzo bo‘lmagan davlatlar fuqarolari Shengen hududiga kirish yoki chiqishda pasportga muhr olmaydi. Uning o‘rniga yuz tasviri va barmoq izi orqali raqamli qayd qilinadi.
Tizim 2026 yilgacha bosqichma-bosqich barcha chegaralarda joriy etiladi. Dastlabki oylarda ayrim punktlarda hali muhr bosish amaliyoti saqlanib qoladi.
12 yoshgacha bo‘lgan bolalardan barmoq izi olinmaydi, lekin yuz fotosi qayd etiladi. Yevropa fuqarolari va doimiy yashash ruxsatnomasiga egalik qiluvchilar bundan mustasno.
Yevropa Komissiyasiga ko‘ra, yangi tizim chegara xavfsizligini kuchaytirish va noqonuniy migratsiyani cheklashga xizmat qiladi.