Шогирд устозини “бой” қилди
Самарқандлик ўқитувчи 20 млн сўм пул мукофоти билан тақдирланди.
Самарқанд вилоятининг Пахтачи туманидаги 6-умумтаълим мактаби 10-синф ўқувчиси Чиннигул Исматуллаева “Менинг Президентим” кўрик-танлови республика босқичида 2-ўринни қўлга киритди.
24 декабр куни унинг мактабдаги устозига 20 миллион сўм мукофот пули топширилди.
Кўрик-танлов низомига кўра, ғолибликни қўлга киритган ўқувчилар (1-, 2-, 3-ўрин) 2022-2023 ёки 2023-2024-ўқув йилида олий таълим муассасаларига тўлов-шартнома асосида талабаликка қабул қилинган тақдирда, уларнинг 1-ўрин соҳибига 4 йиллик, 2-ўрин соҳибига 3 йиллик, 3-ўрин соҳибига 2 йиллик тўлов-шартнома маблағлари тўлаб берилади.
Агар кўрик-танлов ғолиби грант асосида талабаликка қабул қилинса 1-ўрин соҳибига 4 йиллик, 2-ўрин соҳибига 3-йиллик, 3-ўрин соҳибига 2-йиллик тўлов-шартнома маблағлари миқдорида мукофот берилади.
1-,2-,3-ўринни эгаллаган ғолибларнинг умумтаълим муассасасидаги устозлари мос равишда 30 млн., 20 млн. ва 10 млн. сўм пул маблағлари билан мукофотланади.
