Bugun, 1 aprel kuni soat 11:10 da Sirdaryo viloyati Mirzaobod tumani “Do‘ngariq” MFY hududida haydovchi boshqaruvida bo‘lgan “HOHAN” rusumli yuk avtomashinasi yo‘l transport hodisasi oqibatida katta ariqqa tushib ketganligi, haydovchi esa olgan tan-jarohati oqibatida yuk avtomashinaning ichida qolib ketganligi to‘g‘risida viloyat FVBga xabar kelib tushgan.
Xabarga ko‘ra, zudlik bilan voqea joyiga yetib borgan FVB yong‘in-qutqaruv otryadi qutqaruvchilari tomonidan haydovchi qutqarilib, malakali tibbiy yordam ko‘rsatish uchun shifoxonaga yuborilgan. Haydovchining ahvoli yaxshi.