Yevropa Ittifoqi Suriyaga insonparvarlik yordami uchun havo ko‘prigi tashkil qiladi.
"Yordamning birinchi partiyasida 50 tonna tibbiy vositalar Dubaydagi omborlardan Turkiya orqali yetkaziladi. Suriyaga gumanitar yordamning ikkinchi partiyasi Daniyadan keltiriladi – unda oziq-ovqat, dori-darmon va vaqtinchalik turar joy uchun materiallar bo‘ladi", — dedi Yevrokomissiya rahbari Ursula fon der Lyayen.
Bu Bashar Asad rejimi ag‘darilganidan keyin Yevropa Ittifoqi tomonidan Suriyaga ko‘rsatilgan ilk insonparvarlik yordamidir. 2024 yil oxirigacha Yevropaning Suriyaga insonparvarlik yordami hajmi 163 million yevroni tashkil qilishi rejalashtirilgan.
"Rossiya Asad hokimiyatdan ag‘darilganidan keyin Suriyaga bug‘doy yetkazib berishni to‘xtatdi. Rossiya eksportchilari mamlakatdagi siyosiy beqarorlik va to‘lovning kechikishi ehtimolidan xavotirda", deb yozadi Reuters.