Joriy yilning 24 fevral kuni International Hotel Tashkent mehmonxonasida O‘zbekiston-Ozarbayjon ishbilarmonlar kengashining uchinchi yig‘ilishi bo‘lib o‘tdi, deya xabar berdi Kun.uz.
Savdo-sanoat palatasi xabariga ko‘ra, tadbirda To‘ra Bobolov palata raisining birinchi o‘rinbosari va O‘zbekiston tomoni ishbilarmonlar kengashi hamraisi sifatida ishtirok etgan.
Bundan tashqari, Ozarbayjon Tadbirkorlar (ish beruvchilar) tashkilotlari milliy konfederatsiyasi prezidenti va ishbilarmonlar kengashi Ozarbayjon tomoni hamraisi Vugar Zeynalov, turli vazirlik va idoralar, ishbilarmon doiralar vakillari ham qatnashgan.
Eslatib o‘tamiz, 2022 yil dekabr oyi oxirida prezident farmoniga ko‘ra, To‘ra Bobolov boshqa ishga o‘tishi sababli lavozimidan ozod etilgan edi.
To‘ra Bobolov 2019 yildan buyon Surxondaryo viloyati hokimi lavozimida ishlab kelgan. 2017-2019 yillarda Surxondaryo viloyati hokimining iqtisodiyot va tadbirkorlik masalalari bo‘yicha birinchi o‘rinbosari lavozimini egallagan.