“Талаба югур” ва “Ректор стипендияси” ғолиби бўл!
Сирдарёда югуриш мусобақаси ўтказилди.
Гулистон шаҳрида Ўзбекистон энгил атлетика федерацияси, Сирдарё вилояти ҳокимлиги, вилоят Спорт бошқармаси, вилоят Олий таълим, фан ва инновациялар бошқармаси, вилоят Ёшлар ишлари бошқармаси билан ҳамкорликда вилоятда мавжуд олий таълим муассасалари талабалари ўртасида “Талаба югур” югуриш мусобақаси ўтказилди.
Югуриш мусобақасида электрон рўйхатдан ўтган 800 нафарга яқин иштирокчилар "Дўстлик" канали бўйлаб 3 км бўлган масофани югуриб ўтишди.
Спорт тадбири якунига кўра Гулистон давлат университетидан 24 нафар, Гулистон давлат педагогика институтидан 24 нафар, Тошкент кимё-технология институтидан 24 нафар талабалар совринли ўринларни қўлга киритишди.
Эндиликда ғолиб ва совриндор бўлган талабаларни мусобақа Низомига асосан 6,4,2 ойлик шартнома маблағлари тўлаб берилади ҳамда “Ректор стипендияси” билан мукофотланади.
