Ukraina va Rossiya o‘rtasidagi tinchlik muzokaralari shu qishda boshlanishi mumkin. Bu haqida Polsha bosh vaziri Donald Tusk maʼlum qildi.
Uning so‘zlariga ko‘ra, Polsha 1 yanvardan boshlab Yevropa Ittifoqiga raislik qila boshlagach, har qanday muzokaralarda faol ishtirok etishni rejalashtirmoqda.
"Men Polsha nafaqat muzokaralarda ishtirok etishini, balki xavfsizlikni taʼminlashi kerak bo‘lgan qarorlar belgilashga turtki bo‘luvchi mamlakat bo‘lishini istayman", — deya taʼkidladi Tusk.