Tojikistonda aralash jang san’ati (MMA) bo‘yicha 15 yoshli jahon chempioni Muhammadali Sa’dulloyev tengdoshlari bilan bo‘lgan mojaro vaqtida hayotdan ko‘z yumdi. Bu haqda Report.az xabar bermoqda.
Federatsiya ma’lumotiga ko‘ra, voqea 11-yanvardan 12-yanvarga o‘tar kechasi Kulob shahridagi internet-kafelardan birida sodir bo‘lgan. Mojaro vaqtida Sadulloev ko‘kragiga pichoq bilan urilgan. Hodisa natijasida yana ikki kishi jarohat olib, shifoxonaga yotqizilgan.
Huquqni muhofaza qilish organlari ikki gumonlanuvchini qo‘lga olgan. Hozirda tergov jarayoni davom etmoqda.
Sadulloyev 2024-yilda o‘z yosh toifasida MMA bo‘yicha jahon chempioni bo‘lgan, 2025-yilda esa Tojikiston chempioni unvonini qo‘lga kiritgan edi. Yosh sportchining halokati jamiyat va sport jamoatchiligida chuqur qayg‘u uyg‘otdi.