Afg‘onistondagi “Tolibon” muvaqqat hukumati rahbari Muhammad Hasan Oxund sog‘lig‘i yomonlashgani sababli o‘z lavozimidan ozod etilishini so‘radi.
“Tolibon” hukumatidagi manbaga tayanib, “TOLOnews” telekanali bergan maʼlumotlariga ko‘ra, Abdul Kabir “Tolibon” hukumatida muvaqqat bosh vaziri lavozimiga tayinlangan. Ilgari u Oxundning siyosiy ishlar bo‘yicha o‘rinbosari bo‘lgan.
Muhammad Hasan Oxund «Tolibon» hukumatini 2021 yil sentyabridan — hukumat tuzilganidan boshlab boshqarib kelayotgandi.