Bugun, 21 fevral sanasi soat 16:30 lar atrofida Yunus Rajabiy - Ming O‘rik bekatlari oralig‘ida harakatlanayotgan 68-sonli harakat tarkibida texnik nosozlik holati aniqlangan.
Shundan so‘ng, belgilangan yo‘riqnomaga asosan, elektropoyezd mashinisti tomonidan tezkor ko‘rilgan chora-tadbirlar natijasida harakat tarkibidagi nosozlik 4 daqiqa ichida bartaraf etilgan va harakat tarkibi faoliyati qayta tiklangan.
Hozirgi vaqtda yo‘nalishdagi poyezdlar belgilangan jadval asosida harakatlanmoqda.