Bugun, 7 avgust kuni Toshkent shahrining Chilonzor tumanida ikkita avtomashina ishtirokida yo‘l-transport hodisasi yuz berdi.
Hodisa soat 05:20 larda Chilonzor tumani Zargarlik-Shirin ko‘chalari chorrahasida sodir bo‘lgan. Unda Malibu-2 hamda Nexia-1 rusmli avtomashinalar o‘zaro to‘qnashib ketgan.
YTH oqibatida Nexia-1 rusumli avtomashina haydovchisi va Malibu-2 rusumli avtomashina yo‘lovchisi tan jarohat olgan.
Holat bo‘yicha Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.