Тошкентда учта машина аварияга учради
Ҳодиса оқибатида бир киши ҳалок бўлган.
Бугун, 13 июнь куни Тошкент шаҳрининг Чилонзор туманида учта автомашина иштирокида йўл-транспорт ҳодисаси юз берди.
Ҳолат соат 01:00 ларда Чилонзор тумани Бунёдкор кўчасида содир бўлган. Унда 1997 йилда туғилган M.A. бошқарувидаги Malibu-2, 1992 йилда туғилган A.З. бошқарувидаги Lacetti ҳамда 1991 йилда туғилган П.Л. бошқарувидаги Lada ўзаро тўқнашиб кетган.
ЙТҲ оқибатида Malibu-2 автомашина ҳайдовчиси олган тан жароҳатлари натижасида воқеа жойида вафот этган.
Мазкур ҳолат юзасидан Жиноят кодексининг 266-моддаси 2-қисми билан жиноят иши қўзғатилган. Тергов давом этмоқда.
