AQSh prezidenti Donald Tramp 8 may kuni Oq uyning Oval kabinetida yirik savdo kelishuvi munosabati bilan katta matbuot anjumani o‘tkazishini e’lon qildi. U bu haqda o‘zining Truth Social sahifasida yozgan. Biroq aynan qaysi mamlakat bilan shartnoma tuzilgani bo‘yicha aniq ma’lumot berilmagan.
Trampning so‘zlariga ko‘ra, matbuot anjumani ertalab soat 10:00 da (Toshkent vaqti bilan 19:00) bo‘lib o‘tadi. Tadbirda AQSh rahbari “katta va juda hurmatli mamlakat” vakillari bilan birga ishtirok etadi.
RIA Novosti xabariga ko‘ra, bu bitim AQShning joriy savdo siyosatidagi birinchi katta qadamlaridan biri sifatida baholanmoqda. Tahlilchilar ushbu kelishuv tafsilotlarini Tramp matbuot anjumanida e’lon qilishi kutilayotganini aytmoqda.