Туркияда фирибгар ушланди
У айни пайтда Тошкентга депортация қилинди.
Маълумотларга кўра, 1991 йилда туғилган И.А 2019 йили Ўзбекистон Ички ишлар вазирлиги томонидан бир қанча фирибгарлик жиноятларини содир этганликда айбланиб қидирувга берилган.
Шундан сўнг Туркия ва Ўзбекистон Ички ишлар вазирликлари ҳамкорлигида ўтказилган тезкор тадбир давомида қўлга олинган.
Ушбу шахснинг хатти-ҳаракатларидан жабрланган фуқаролардан Ўзбекистоннинг Истанбул шаҳридаги Бош консулхонасига ёки Ўзбекистон Ички ишлар вазирлигига, шунингдек, ички ишлар органларининг ҳудудий бўлинмаларига мурожаат қилиш сўралди.
Жиноят учун жазонинг муқаррарлигини таъминлаш мақсадида Туркия ҳудудида ҳамкорликдаги тадбирлар тизимли равишда давом эттирилмоқда.
