Turkiya Favqulodda vaziyatlar boshqarmasining (AFAD) so‘nggi maʼlumotlariga ko‘ra, Turkiyadagi zilzila oqibatida 17 ming 674 kishi halok bo‘ldi, 72 ming 879 kishi jarohat oldi. Bu haqda Anadolu agentligi xabar berdi.
Eslatib o‘tamiz, Turkiyada zilziladan jabr ko‘rgan provinsiyalarda binolarni qurgan va ularni qabul qilib olgan masʼul shaxslarga nisbatan tergov ishlari boshlangan. Bu haqda Turkiya adliya vaziri Bekir Bozdag‘ maʼlum qildi.
AFAD maʼlumotlariga ko‘ra, 6 fevral kuni Turkiyaning Kaxramanmarash-Pazardjik tumanida sodir bo‘lgan 7,7 magnitudali zilzila va Elbistanda 7,6 magnitudali zilziladan keyin 648 ta aftershok qayd etilgan.