Ushbu holat yuzasidan poytaxt IIBB Jinoyat qidiruv boshqarmasi va boshqa huquq tartibot organlari xodimlari o‘zaro hamkorlikda tezkor chora-tadbir o‘tkazdi.
Tekshiruv natijasida muqaddam sudlangan 43 yoshli Akmal ismli shaxs uyidan giyohvand modda chekish uchun qo‘lda yasalgan moslama, shuningdek qog‘ozga o‘ralgan o‘tkir hidli o‘simlik moddasi topildi. Bundan tashqari yotoqxonadan ov qilish uchun mo‘ljallangan 16-kalibrli ov miltig‘i, 15 ta o‘q va bir qancha o‘tkir tig‘li moslamalar borligi aniqlandi.
Uy egasi noqonuniy o‘qotar qurol hamda giyohvand vositalarni saqlashda gumon qilinib hibsga olindi.
2021 yil 16 sentyabr kuni ushbu holat yuzasidan O‘zbekiston Respublikasi Jinoyat kodeksining 248-moddasi 1-qismi bilan ayb eʼlon qilinib, Akmalga nisbatan qamoqqa olish ehtiyot chorasi qo‘llanildi.
Hozirda ushbu ish yuzasidan tergov-surishtiruv harakatlari olib borilmoqda.
Munojat Valiyeva