Тошкентда фуқаро Tracker да бир гуруҳ кишиларни қассдан уриб юборди
Ҳолат юзасидан Тошкент шаҳар ИИББ расмий ахборот берди.
Тошкентнинг Юнусобод туманида фуқаро Траcкеръни қасддан одамлар устига ҳайдагани акс этган видео ижтимоий тармоқларда тарқалди. Пойтахт ИИББ ҳолат юзасидан маълумот берди.
Маълум қилинишича, 26 март куни соат тахминан 12:15 ларда фуқаро Б.Р. Юнусобод тумани Ниёзбек йўли кўчасида собиқ турмуш ўртоғи фуқаро М.Ф. ва унинг ёнида бўлган бошқа шахслар билан жанжаллашиб кетган.
Шундан сўнг у бошқа шахсларга оғир тан жароҳати етказиш мақсадида ўзининг бошқарувидаги бўлган Tracker русумли автомобилини собиқ турмуш ўртоғи ва унинг танишларини устига ҳайдаб, қасддан уриб юборган.
Фуқаро М.Ф. ва унинг таниши Д.Қ.лар енгил турдаги турли жароҳатлар билан тиббиёт муассасасига ётқизилган.
Ҳозирда воқеа иштирокчиларининг барчасининг шахси аниқланиб, Юнусобод тумани ИИО ФМБга олиб келинган, ҳолат юзасидан терговга қадар текширув ўтказилмоқда. Мазкур ҳолат Ички ишлар вазирлиги ва Тошкент шаҳар ИИББ раҳбарияти томонидан назоратга олинган.
