Фарғонада вояга етмаган ака-ука сувда чўкиб, вафот этди

Фарғонада сувда чўкаётган укасини кўрган ака укасини қутқариш учун сувга тушганида укаси билан бирга чўкиб кетиб вафот этган. Бу ҳақда Бош прокуратура матбуот хизмати раҳбари Ҳаёт Шамсутдинов хабар берди.

 

Маълум қилинишича, 19 март куни Фарғона вилояти Бешариқ туманида соат 20:05 атрофида Х.Олимжон МФЙда яшаган вояга етмаганлар 2018 йилда туғилган З.С. ҳамда 2020 йилда туғилган С.З. "Булоқбоши" МФЙда жойлашган сув тақсимлагич омборига ўз эҳтиётсизлиги натижасида тушиб кетиб, сувга димиқиши натижасида вафот этган. 

Бу орада унинг акаси вояга етмаган С.З. укасини қутқариш учун ўзини сувга ташлаган. Оқибатда ҳар иккиси сувга димиқиб, ҳодиса жойида вафот этган.

 

Кейинчалик, болалар уйига келмаганидан сўнг уларни канал ҳудудида отаси Х.Қ. кўриб қолган ва ФВВ қутқарув хизмати томонидан вафот этган болалар сувдан олиб чиқилган.

 

Болаларнинг танаси ташқи кўздан кечирилганида танасида тан жароҳатлари ва улардан қолган излар аниқланмаган.

 

Судга оид тиббий экспертизанинг 19 март кунидаги дастлабки маълумотномасида вояга етмаганлар С.З. ва унинг укаси З.С.ларнинг ўлимига "нафас йўлларини сув билан беркилиши натижасида механик асфиксия" сабаб бўлганлиги кўрсатилган.

 

Ҳозирда мазкур ҳолат юзасидан Бешариқ туман прокуратураси томонидан терговга қадар текшириш ҳаракатлари олиб борилмоқда ва текширув ҳаракатлари назоратга олинган.