Isroilning Xolon shahrida 69 yoshli uysiz odamga 160 ming shekel (52,5 mln so‘m) soliq to‘lash majburiyati yuklandi.
Gap shundaki, Menashe Zaxri ismli erkak 10 yil oldin o‘zi tunab yurgan fabrika egalari bilan tanishib qoladi. Aka-ukalar uysiz odamga muruvvat ko‘rsatib unga narsalarini bo‘sh turgan binoga qo‘yishi mumkinligini aytib, unga kalitni topshiradi.
Yillar o‘tib, soliq to‘lash vaqti kelganida esa uysiz odamni binoni xususiylashtirib olganlikda ayblashadi.
Eng qizig‘i, munisipalitet xodimlari uysiz odamning binoga umuman aloqasi yo‘qligini bilsada, unga soliq hisob qog‘ozini yuborgan. Noiloj qolgan Zarxi sudga murojaat qilib, qarz to‘lashdan bosh tortgan.
Sudda uysiz erkak nomidan adliya vazirligi advokati qatnashdi va yutib chiqdi. Meriya sudda uysiz erkakka mag‘lub bo‘lganini tan olishdan boshqa iloji qolmadi.