Ўзбекистон

Хоразмда тезкор вакилнинг ўзи тезкор тадбирда 30 минг доллар билан қўлга тушди

Шунингдек, Фарғонада 3 гектар ерни 115 миллион сўмга ноқонуний сотмоқчи бўлган шахслар ушланди.

Хоразмда тезкор вакилнинг ўзи тезкор тадбирда 30 минг доллар билан қўлга тушди

Хоразм вилоятида олиб борилган тезкор тадбирлар давомида Хива шаҳри ҳудудида жойлашган, қишлоқ хўжалиги маҳсулотлари экиш учун ажратилган 12 сотих ер майдонида уй-жой қуриш учун рухсат олиб беришни ваъда қилган мансабдор шахс ушланди.

 

Аниқланишича, Хоразм вилояти Ички ишлар бошқармаси Тезкор-қидирув хизмати катта тезкор вакили ушбу масалада ҳокимият идораларида ишловчи мансабдор танишлари орқали рухсат олиб бериш эвазига фуқародан 30 минг АҚШ доллари талаб қилган.

 

Мазкур шахс Давлат хавфсизлик хизмати, Иқтисодий жиноятларга қарши курашиш департаменти ҳамда Ички ишлар вазирлигининг Шахсий хавфсизлик бош бошқармаси ходимлари томонидан ашёвий далиллар билан қўлга олинди.

 

Ҳозирда унга нисбатан Жиноят кодексининг 168-моддаси 4-қисми «а» банди ҳамда 28, 211-моддаси 3-қисми «а» банди билан жиноят иши қўзғатилиб, «қамоқ» эҳтиёт чораси қўлланилган.

 

Шунингдек, Фарғона вилоятида ҳам шунга ўхшаш ҳолат қайд этилди. Бувайда туманида яшовчи, 1998 йилда туғилган шахс 2006 йилда туғилган таниши билан олдиндан тил бириктириб, ўзлари ва яна 14 нафар ёшга деҳқончилик фаолияти учун давлат томонидан имтиёзли шартлар асосида ажратилган жами 3 гектар ер майдонини бошқа шахс номига расмийлаштириб беришни ваъда қилган.

 

Улар ушбу ноқонуний хизмат эвазига 115 миллион сўм талаб қилиб, 9 500 АҚШ доллари ҳамда 700 минг сўмни олаётган вақтда Давлат хавфсизлик хизмати ва Ички ишлар органлари ходимлари томонидан ушланди. Натижада уларнинг ноқонуний ҳаракатларига барҳам берилди.

 

Мазкур шахсларга нисбатан Жиноят кодексининг 25, 168-моддаси 2-қисми «а», «б» бандлари ҳамда 229–6-моддаси 2-қисми «б» банди билан жиноят иши қўзғатилиб, ҳозирда тергов ҳаракатлари олиб борилмоқда.

custom img

Ислом цивилизацияси маркази – Евроосиёнинг янги геостратегик маркази — Forbes

Ислом цивилизацияси маркази Ўзбекистоннинг Евроосиё, Яқин Шарқ ва Жанубий Осиё ўртасидаги маданий ва дипломатик кўприк сифатидаги янги ролининг “рамзий ва стратегик таянчи”га айланмоқда.

custom img

Ўзбекистон 19 мартдан БААга авиаташувларни қайта тиклайди

Бекор қилинган чипталар бепул қайта расмийлаштирилади.

custom img

Мактабларда баҳорги таътил 20 мартдан бошланади

4-чорак дарслари 30 мартдан бошланиши белгиланди.

custom img

Самарқандга йил якунига қадар 6 миллион сайёҳ жалб қилиш мақсади қўйилди

Президент раислигида Нарпайда Самарқанд вилоятини ривожлантиришга бағишланган йиғилиш ўтказилди.

custom img

Рамазон ойининг 29 кун бўлиши табиий ҳолат — Фатво маркази

Бу ой ҳаракатига асосланган ҳижрий-қамарий тақвим билан боғлиқ ва рўза савобига таъсир қилмайди.

custom img

Президент Шавкат Мирзиёев Рамазон ҳайитини нишонлаш тўғрисидаги қарорни имзолади

Туризм қўмитаси ва Транспорт вазирлиги Рамазон кунларида зиёратгоҳлар ва тарихий обидаларга қулай ташриф шароитини яратади.

custom img

Самарқандда 43 минг гектар майдонда яйлов ташкил қилинади

Самарқанд вилоятида яйловлар, чорвачилик ва туризмни ривожлантириш бўйича янги вазифалар белгиланди.

custom img

Самарқандда хориждан олиб келинган 38 килограммга яқин наркотик моддалар мусодара қилинди

Шунингдек, хусусий автомашина гаражига яширилган 9,04 кг опий экстракцияси аниқланган.

Шаҳодатнома: №1346 Берилган сана: 28.05.2020

Ғоя муаллифи: Фирдавс Фридунович Абдухаликов

Асосчиси: "Master Media Production and Broadcast"