Ijtimoiy tarmoqlarda tarqalgan Xorazm viloyatining Yangibozot tumanida 2 nafar inson is gazidan zaharlanib, vafot etgani haqida xabarlar tarqaldi. Holat yuzasidan viloyat Favqulodda vaziyatlar boshqarmasi rasmiy munosabat bildirdi.
Qayd etilishicha, bugun, 8-dekabr kuni soat 08:51 larda Yangibozor tumani tibbiyot birlashmasi tez tibbiy yordam bo‘limi dispetcheridan tuman FVBga xabar kelib tushgan. Shifokorlar Yangibozor tumani Bog‘olon qishlog‘ida yashagan 1958-yilda tug‘ilgan J.R hamda nevarasi — 2009-yilda tug‘ilgan R.B. ning uyida vafot etganligini bildirishgan.
Dastlabki surishtiruvlar natijasiga ko‘ra, voqea sodir bo‘lgan xonadanda 9 nafar fuqaro bo‘lganligi, shulardan 2 nafari vafot etganligi va qolgan 7 nafari tuman shifoxonasida tibbiy ko‘rikdan o‘tkazilganligi va ularning sog‘ligi yaxshi bo‘lganligi uchun uyiga ruxsat berilgan. 2 nafar fuqaro vafot etganligi bo‘yicha STE tayinlangan. Holat yuzasidan tergovni Yangibozor tumani prokuraturasi olib bormoqda.