Maʼlum bo‘lishicha, fuqarolar M.A., M.M. va boshqalar Toshkent viloyati Yangiyo‘l tumani “Qovunchi” MFY hududidagi xondonda yashirin sex tashkil etgan. Ular qalbaki aksiz markalardan foydalangan holda sotish maqsadida qo‘lbola alkogol mahsulotlarini ishlab chiqarganliklari aniqlangan.
Shuningdek, ushbu xonadondan “Toshkent oqshomi” nomli 185 dona isteʼmolga yaroqsiz alkogol mahsuloti hamda 85 dona yelim idishdagi jami 850 litr etil spirti ashyoviy dalil sifatida olingan.
Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) va 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib,tergov harakatlari o‘tkazilmoqda.