Япония кучли зилзила хавфи ҳақида огаҳлантирмоқда
Зилзила ва цунами даҳшатли оқибатларга олиб келиши мумкин.
Маълумотларга кўра, Японияда Нанкай ёриғи ҳудудида йирик зилзила содир бўлса, 298 минг киши ҳалок бўлиши мумкин. Шунингдек, мамлакат иқтисодиётига етказиладиган зарар 1,81 триллион долларга етиши тахмин қилинмоқда.
Мутахассисларнинг ҳисоб-китобларига кўра, зилзиланинг магнитудаси 8-9 балл атрофида бўлиши мумкин. Кучли ер ости силкинишларидан сўнг Япониянинг шарқий соҳилларига баландлиги 3 метрдан ошувчи цунами тўлқинлари келиши кутилмоқда.
Расмийлар ушбу хавфга қарши зарурий чора-тадбирларни кўришга чақириб, аҳолига табиий офатларга тайёргарлик кўришни тавсия қилмоқда.
