"Юнис" бўрони қурбонлари сони 16 кишига етди
Ноқулай об-ҳаво шароити туфайли 500 дан ортиқ рейслар бекор қилинди.
Европада давом этаётган "Юнис” тўфони оқибатида камида 16 киши ҳалок бўлди. Шамол тезлиги соатига 200 километрга етган.
Шундай қилиб, Нидерландияда тўрт нафар, Польшада тўрт нафар, Буюк Британияда уч нафар, Германия ва Белгияда иккитадан, Ирландияда бир киши қурбон бўлди. Ўлимларнинг аксарияти дарахтларнинг қулаши ва шамол урган иншоотлар билан боғлиқ.
Довул Ирландиядан Буюк Британияга, сўнгра Франция шимоли орқали Дания ва Германияга кўчган. Элементларнинг тўқнашуви электр узатиш линияларининг узилишига, биноларнинг вайрон бўлишига ва қирғоқбўйи ҳудудларини сув босишига олиб келди.
