Toshkentning Yunusobod tumanida tunda suv quvurida yuzaga kelgan avariyani bartaraf etish bo‘yicha yerosti ishlari yakunlandi.
Qayd etilishicha, ko‘chalarni suv bosishi oqibatida 2300 metr2 asfalt qoplamasi shikastlangan. Uni qayta tiklash ishlari Grand Road Tashkent kompaniyasi tomonidan amalga oshiriladi. Buning uchun uch kun ajratilgan.
Suv bosgan hovlilardan suv ketgan, ko‘p qavatli uylarning yerto‘lalarida suv deyarli qolmagan. Uylarga suv taʼminoti tiklangan. Biroq yerto‘lalar va kommunikatsiyalar o‘tkazilayotgan hududlar haligacha nam bo‘lgani uchun elektr taʼminoti hozircha ulanmagan.