Ijtimoiy tarmoqlarda Zomin tog‘-o‘rmon davlat qo‘riqxonasidan ayiq qochib ketganligi haqida xabarlar tarqalmoqda. Holat yuzasidan Jizzax viloyati Ekologiya, atrof-muhitni muhofaza qilish va iqlim o‘zgarishi boshqarmasi rasmiy munosabat bildirdi.
Qayd etilishicha, Zomin davlat qo‘riqxonasida ayiqlar tabiiy ravishda yashaydi. Qo‘riqxona xodimlarining so‘zlariga ko‘ra, shu kecha-kunduzda bu hududda ayiqning qochib ketganligi holati kuzatilmagan.
"Shunday ekan, ijtimoiy tarmoqda tarqalgan xabar yolg‘on ekanini maʼlum qilib, aholidan ortiqcha xavotirga tushmasliklarini so‘rab qolamiz", deyiladi xabarda.