Тадбиркорлар билан ўтказилган очиқ мулоқот давомида берилган топшириқлар ижроси бошланди
Тадбиркорлар билан ўтказилган очиқ мулоқот давомида берилган топшириқлар ижроси бошланди.
Шавкат Мирзиёев қўшилган қиймат солиғи (ҚҚС) маъмуриятчилигини такомиллаштиришга доир қарорни имзолади. Ҳужжат билан:
➖ жорий йил 1 октябрдан бошлаб барча экспортчи корхоналарга ҚҚС суммаси валюта тушумидан қатъи назар қайтариб берилади. Мазкур имконият охирги бир йил давомида валюта тушумларини ўз вақтида таъминлаб келаётган ва экспорт шартномалари бўйича муддати ўтган дебитор қарздорлиги бўлмаган тадбиркорларга татбиқ этилади;
➖ 2022 йил 1 январдан бошлаб тадбиркорларга ҚҚС бўйича салбий фарқ суммасини қайтариш учун алоҳида ариза билан мурожаат қилиш талаби бекор қилинади. Эндиликда, тадбиркорлар мазкур суммани қайтариш истагини солиқ ҳисоботининг ўзидаёқ кўрсатишлари мумкин бўлади;
➖ солиқ ва божхона идораларига тўланадиган ҚҚС суммаларини ўзаро ҳисобга олиш тартиби тажриба тариқасида 2022 йилда амалиётга жорий қилинади.
Эслатиб ўтамиз, аввалроқ Шавкат Мирзиёев тадбиркорлар билан ўтказган очиб мулоқоти давомида солиқ идоралари қўллаётган айрим жарималардан ҳавотирда экани ҳамда 20 августни “Тадбиркорлар куни” дея эълон қилгани ҳақида хабар берилганди
