Ўзбекистонда амалга оширилаётган туб ислоҳотлар — "The Korea Times" нигоҳида

 

 

Мулоқот чоғида Ўзбекистондаги сиёсий-ҳуқуқий ва иқтисодий-ижтимоий соҳаларда амалга оширилаётган кенг кўламли ислоҳотларга бағишланган туркум мақолаларнинг "The Korea Times" газетаси саҳифаларида доимий равишда чоп этилаётгани ҳамда ушбу мамлакат кенг жамоатчилигига етказилаётгани катта мамнуният билан таъкидланди.

 

Қайд этилишича, О Ёнг Жин Ўзбекистон элчихонаси билан олиб борилаётган узоқ йиллик ҳамкорлик самараси ўлароқ, мамлакатимиз, унинг халқи ва маданиятига нисбатан юксак ҳурмат шаклланганини айтиб ўтди. Унинг сўзларига кўра, сўнгги йилларда давлатимиз раҳбари ташаббуси билан амалга оширилган туб ислоҳотлар, изчил ва фаол ташқи сиёсат республиканинг дунё ҳамжамиятида мавқеини яна-да оширишга ҳисса қўшмоқда.

 

Учрашувда ўзаро ҳамкорликни букндан-да фаоллаштириш, юртимиз ҳаётидаги муҳим тадбирларни ушбу нуфузли нашрнинг саҳифаларида кенг ёритиб боришга келишиб олинди.

 

Маълумот учун, "The Korea Times" Жанубий Кореяда инглиз тилида чоп этиладиган учта йирик газеталардан бири ҳисобланади. 1950 йилда асос солинган нашр ҳар куни 400 минг ададда чоп этилади. Газета нафақат Жанубий Корея, балки чет элда ҳам ўз ўқувчиларига эга. Нашр дунёнинг қатор йирик нашрлари билан яқиндан ҳамкорлик ўрнатган.

 

Эслатиб ўтамиз, Ўмон Султонлигининг "Asdaa Oman" газетасида "Сайловолди тайёргарлик ишлари якунлангач, 24 октябрь куни Ўзбекистонда Президент сайловлари ўтказилади" сарлавҳали мақола чоп этилганди.

 

Аввалроқ Ҳиндистондаги “Political Events” журнали саҳифасида “Янги Ўзбекистон замонавий ташқи сиёсатининг халқаро-ҳуқуқий асослари мустаҳкамланмоқда” сарлавҳали мақола босилиб чиққани ҳамда “Янги Ўзбекистон” боғи ва Мустақиллик монументининг тантанали очилиши Жанубий Кореянинг "The Korea Post" журнали саҳифаларида чоп этилгани ҳақида хабар берилганди.