Ўзбекистонда қанча электр энергияси ишлаб чиқарилгани очиқланди
Ўсиш суръати 9,4 % ни ташкил қилмоқда.
2021 йилнинг январь–октябрь ойларида йирик корхоналар томонидан 57,1 миллиард кВт соат электр энергияси ишлаб чиқарилган. Бу ҳақда Давлат статистика қўмитаси хабар берди.
Жами электр энергияси ишлаб чиқарувчи корхоналар томонидан республика миқёсида ишлаб чиқарилган электр энергиясининг жами ҳажмида:
Тошкент вилояти – 23,2 %
Сирдарё вилояти – 22,2 %
Қашқадарё вилояти – 19 %
Навоий вилояти – 16,1 %.
Бунда ўтган йилнинг мос даврига нисбатан электр энергияси ишлаб чиқариш ҳажми 4,9 миллиард кВт соатга ошган.
Эслатиб ўтамиз, Ўзбекистонда илк марта аҳолидан электр энергияси сотиб олина бошланди.
Аввалроқ Ўзбекистонда 2025 йилгача 18 та электр станция фойдаланишга топширилиши, Сирдарёда янги иссиқлик электр станцияси қурилиши, Самарқандда 100 миллион долларлик фотоэлектор станцияси қуриб битказилиши ҳамда электр энергияси танқислигига нима сабаб бўлаётгани ҳақида хабар берилганди.
