ТикТок Ўзбекистонга қайтмоқда.

 

Миллий масс-медиани қўллаб-қувватлаш ва ривожлантириш жамоат фонди Васийлик кенгашининг раиси Комил Алламжонов Тео Бертрам билан учрашди. Учрашувдан сўнг Комил Алламжонов қуйдаги фикрларни билдириб ўтган:

 

“Тик-Ток — зарарли бўлса уни фойдали ресурсга айлантириш лозим. Шу ва бунга ўхшаш компаниялар фаолиятини чеклаш эмас, балки улар билан яқиндан мулоқот, ҳамкорлик ўрнатган ҳолда ишлаш ҳамма учун кўпроқ манфаатли ва тўғрироқ бўлади деб ўйлайман. Айнан шу мақсадда бугун ТикТок компаниясининг висе-президенти доктор Тео Бертрам ва компаниянинг масъул ходимлари билан жуда самарали онлайн учрашув ўтказдик.

 

Учрашувда ўзаро ҳамкорлик масалаларини муҳокама қилдик. Тик-Ток вакилларига тармоқнинг ички нормалари ва айрим тартиб-қоидаларини кўриб чиқиш, уни Ўзбекистон қадриятлари, урф-одатлар ва менталитетимизга мослаш бўйича таклифлар бердим. Улар томонидан бу таклиф албатта инобатга олиниши, бу борада ҳамкорлик, шу билан бирга ўзбек тилини ҳам киритишга тайёр эканликлари маълум қилинди”.