Канада бош вазири Оттавадан кетганидан сўнг биринчи марта кўриниш берди
Жастин Трюдо парламентнинг норозилик намойишларга бағишланган йиғилишида қатнашди.
Канада бош вазири Жастин Трюдо Оттавадан кетганидан сўнг биринчи марта омма олдида кўриниш берди. У мамлакатда давом этаётган юк машинаси ҳайдовчилари намойишига бағишланган парламент йиғилишида шахсан қатнашди.
27 январь куни у болаларидан бири коронавирусга чалинганидан сўнг карантинга кирган эди. Кейинроқ у ўз хавфсизлиги учун пойтахтни тарк этган эди. Бу орада Трюдо коронавирусга чалинди.
Парламент йиғилишида бош вазир Оттавадаги намойишларни тугатиш кераклиги улар иқтисодиёт ва фуқароларнинг одатий ҳаётига салбий таъсир ўтказади. У одамлар “ўз ҳудудида таъқиб қилинишга” лойиқ эмаслигини айтди.
Канада бош вазири Жастин Трюдо Оттавадаги қароргоҳини 30 январь куни тарк этганди. Канада пойтахтида 23 январдан бери “Озодлик колоннаси” шиори остида юк машинаси ҳайдовчилари намойиши бўлиб ўтмоқда. Улар коронавирусга қарши чекловлардан норози. Оттава мэри Жим Уотсон шаҳарда фавқулотда ҳолат режимини жорий этди.
Бир неча кун олдин юк машиналаридан бири намойишчилар устига бостириб борган. Натижада бир неча киши жабрланган.
Шарофат Маҳмудова
